صورة ===================================================================================== مرحبا لتتوصل بجديد الموقع عبر الواتساب فقط أرسل كلمة اشتراك للرقم التالي 0693886146 ===================================================================================== **اطـــلالـــة **رابط المكتبة: https://m.dahayas.com/

معلومات هامة للسفر إلى أوروبا

صورة العضو الشخصية
منير Morocco
فعال
مشاركات: 571
اشترك في: 14 مارس 2017 19:42

معلومات هامة للسفر إلى أوروبا

مشاركة بواسطة منير » 09 يونيو 2019 10:51

من واتساب الموقع كما ورد 
###########################
معلومات هامة ‼️‼️
السفر البري لأروبا 🇪🇸 🚙
اش خاصك تعرف الا كنت غادي تمشي بالسيارة أول مرة لإسبانيا او لفرنسا؟
البيرمي مغربي ديالك هو اللي تسوق به راه مقبول تمه.
خلص بطاقة خضراء. Carte verte تتعمل 500 درهم، وهي تأمين على سيارة ف الخارج.
غادي تقطع تذكرة باطو ذهاب وإياب.
حسب اختياركم 🚢
طنجة المدينة 🚢 طريفة أو الجزيرة
طنجة الميناء 🚢 طريفة او الجزيرة
سبتة 🚢 طريفة او الجزيرة
حاول تمشي بكري شوية ف الصباح باش تتفادى الزحام.
حيث توصل عندك 2 الحلول:
*اوطروت AP 7, سرعة 120 كلم /ساعة. (Autopista ) هادي اوطروت بالخلاص paillage، تقريبا 15 اورو، كتربط، بين خوزيرات وفيونخيرولا، وتدوز على إستبونا، وماربيا.
* اوطورت A7 سرعة 80-90 كلم/ساعة وهي لي فابور
طريق ساحلية، وفيها مناظر زوينة تتربط جنوب اسبانيا كله، وصولا الا برشلونة. هي اللي ننصحك تاخدها.
استعمل gps, دخل اعدادات، وزول option paillage, باش ما يعطيكش الطرق اللي بالخلاص.
طيليشارجيgps Here wo go, كتخدم حتى. Hors ligne.
خود شي كارطة SIM ومديرش روميينغ ديالنا، غالي.
شركة lebara, . ب 15 اورو كارطة فيها 15 Go انترنت.

*رد بالك فالسرعات المسموحة .
.داخل مدينة : سرعة محددة في 50 كلم.
.طريق A7 سرعة 80-90كلم / ساعة
.اوطروت AP7 سرعة 120 كلم/ساعة.
بالنسبة للمخالفات، البوليس سميته guardia civil، الا درت شي مخالفة، بلا متحاول دير فيها مطور وعايق، غادي تجيبها فراسك.
بالنسبة للاسبانين مخالفة كتجيه للدار.
بالنسبة لك انت كسائح، درت ممخالفة، خصك تخلص ف البلاصة، تيديروا خصم 50 ٪.
ماخلصتيش ودرت فيها عايق، يهزوا لك الطوموبيل للفوريان، وتخلص كلشي100٪.والمخالفات عندهم غاليين.
يعني إلا احترمت قانون السير راه حتى واحد ما يتكلم معك.
وما تنساج طفاية عافية، جيلي والمتلث الاحمر، يقدرو يسولوك عليهم البوليس.
مهم الشراب، بلا ما نصحك تسوق وانت سكران، ميعقلوش عليك، وهاد الشي ماتيتسامحوش فيه. نسبة كحول مسموحة هي 0,25 mg/l.
ودير شي فحص السيارة قبل ما تشد بها الطريق. زيت، ضو...
ال parking غالي بزاف، الا كنت فشي مدينة كبيرة حاول تلقا شي بلاصة ماشي فالسنطر، حيت غادي يتقام عليك غالي.
لا تنسى دعاء السفر عند الانطلاق...
أتمنى لكم رحلة سعيدة

ساهم بنشر الموضوع عبر


رابط مُباشر :
رابط BBcode :
رابط HTML :
إخفاء روابط المُشاركة
إظهار روابط المُشاركة

  • المواضيع المُتشابهه
    ردود
    مشاهدات
    آخر مشاركة

العودة إلى “منوعات اضافية”